جکراڻي، عرض محمد: عرض محمد خان جکراڻي ولد مير راجا خان جکراڻي، 1919ع تي ڳوٺ دادپور جاگير لڳ جيڪب آباد ۾ جنم ورتو. هن پنهنجي ڳوٺ ۾ پنج درجا پاس ڪيا. هيءُ زميندار ۽ سماجي اڳواڻ هو. سماجي خدمتن ڪري سن 1983ع ۾ ميونسپل ڪائونسلر چونڊيو ويو. بعد ۾ کيس ميونسپل جو چيئرمين چونڊيو ويو. سن 1985ع ۾ غير سياسي بنيادن تي ٿيندڙ اليڪشن ۾ سنڌ اسيمبليءَ جو ميمبر چونڊجي ويو. هو 1987ع ۾ ٻيهر ميونسپل جو ڪائونسلر چونڊجڻ کان پوءِ چيئرمئن به چونڊيو ويو. ’اناج منڊي يونين‘ جو 1976کان 1991ع تائين سرپرست رهيو. سندس سماجي خدمتن جي پيش نظر سنڌ حڪومت کيس 1984ع ۾ جيڪب آباد جي مارڪيٽ ڪاميٽيءَ جو چيئرمئن مقرر ڪيو. هيءُ عهدو وٽــس 1989ع تائين رهيو. هو غريبن جي کلئي هٿ سان امداد ڪندو رهندو هو.
عرض محمد جکراڻي، 1 سيپٽمبر 1991ع تي دل جو دورو پوڻ سبب وفات ڪئي .
1919.00.00 عيسوي
عرض محمد خان جکراڻي ولد مير راجا خان جکراڻي ، 1919ع تي ڳوٺ دادپور جاگير لڳ جيڪب آباد ۾ جنم ورتو .
1991.09.01 عيسوي
عرض محمد جکراڻي ، 1 سيپٽمبر 1991ع تي دل جو دورو پوڻ سبب وفات ڪئي .